Janë mbi tetë milionë rastet e personave të prekur me koronavirus në të gjithë botën, ndërsa numri i viktimave ka shkuar në 436.901.
Këto janë të dhënat e publikuara nga Univeristeti Johns Hopkins.
SHBA-të janë vendi më i prekur me 2114,026 të infektuar dhe 116,127 të vdekur, ndjekur nga Brazili me 888,271 të sëmurë dhe 43,959 viktima.
Ndërkohë në Kinë është rritur frika e një rikthimi të pandemisë, ndërsa vendi shënoi në 24 orët e fundit 40 raste të reja me COVID-19, ndërsa numri i përgjithshëm i infeksioneve ka tejkaluar 400.
Pekini është në gjendje të jashtëzakonshme, ku janë bllokuar 29 bashkësi lokale dhe janë mbyllur dy tregje.
“Situata është jashtëzakonisht e rëndë, ne jemi në garë me kohën”, tha kryebashkiaku.
Shqetësuese është situata edhe në Meksikë ku numri i viktimave në këtë shtetet ka shkuar në 17.580. Vetëm në 24 orët e fundit në këtë shtet janë shënuar 439 viktima. Gjithashtu edhe Brazili është në gjendje shumë të rënduar, pasi shifrat janë shumë të larta për çdo ditë. Deri më tani numërohen mbi 44 mijë viktima.
Sa i përket Europës, në Itali janë shënuar 34,371 viktima dhe në Francë 29,439. Qeveria ka vendosur të lehtësojë masat e izolimit, sakaq në Spanjë kanë humbur 27,136 qytetarë.
g.kosovari
