60 milionë e 700 mijë euro derdhen brenda një viti nga buxheti i shtetit për paga dhe qira për 6.474 të punësuar në institucione dhe agjenci të pavarura. Një i punësuar mesatarisht merr 9.384 euro në vit, apo rreth 782 euro në muaj.
Buxheti i Kosovës për vitin 2015 ka qenë 1 miliard e 576 milionë euro, ndërsa për vitin 2016 është 1 miliard e 674 milionë euro, shkruan Koha Ditore.
Institucionet dhe agjencitë e pavarura nuk kanë një sistem unik të pagave, dhe punonjësit paguhen në mënyra të ndryshme në emër dhe lartësisë.
Shumica e institucioneve kanë preferuar një skemë të veçantë të pagave ndryshe nga përcaktimi i pagës me koeficient në shërbimin civil. Madje disa nga institucionet kanë koeficient edhe mbi 10, për të cilin nuk ka një bazë ligjore, citohet Koha. (b.an)
