Në të gjithë botën numri i përgjithshëm i rasteve të identifikuar pozitiv nga infeksioni i koronavirusit është 11,748,985, për një total viktimash që nga fillimi i emergjencës shëndetësore, është 540,860.
Infeksionet janë përhapur në 210 vende në mbarë botën qëkurs COVID u identifikua për herë të parë në Kinë në muajin dhjetor 2019.
Ndërkohë një lajm i mirë është se betejën me COVID-19 e kanë fituar 6,742,608 qytetarë.
Shtetet e Bashkuara të Amerikës janë ndër vendet më të prekura nga pandemia. Aktualisht në Shtetet e Bashkuara të Amerikës janë 3,041,035 të infektuar dhe janë shënuar 132,981 vikitma. Shqetësuese është situata edhe në Meksikë ku numri i viktimave në këtë shtet ka shkuar në 31,119. Vetëm në 24 orët e fundit në këtë shtet janë shënuar 480 viktima. Gjithashtu edhe Brazili është në gjendje shumë të rënduar, pasi shifrat janë shumë të larta për çdo ditë. Deri më tani numërohen 65.556 viktima dhe mbi 1.6 milionë të infektuar.
Pothuajse një muaj pas alarmit të shkaktuar nga shpërthimi i ri i koronavirusit në Pekin, në 24 orët e fundit kryeqyteti nuk regjistroi ndonjë rast të ri Covid-19 dhe buletini pandemik mbetet i pandryshuar, 335 infeksione që nga 11 qershori.
Kina, vendi i parë i prekur nga koronavirusi ka raportuar në total, që nga fillimi i epidemisë, 83.565 infeksione dhe 4634 vdekje.
Qyteti i dytë më i madh në Australi, Melburni, duke filluar nga dita e enjte do t’i rikthehet bllokimit dhe izolimit.
Lajmi u njoftua nga Kryeministri i shtetit Viktoria, Daniel Andrews, i cili theksoi se
“Masa do të mbetet në fuqi për gjashtë javë”.
Qyteti i Melburnit ka pësuar kohët e fundit një rritje të rasteve Covid-19.
Vetëm në 24 orët e fundit u raportuan 191 infeksione.
g.kosovari
