Kryeministri Edi Rama dhe ministrja e Shëndetësisë, Ogerta Manastirliu, ndoqën nga afër procesin e vaksinimit të pedagogëve dhe mësuesve, në Tiranë.
Ministrja tha se sot është planifikuar që të vaksinohen rreth 200 pedagogë të Universitetit të Tiranës.
“Ka filluar vaksinimi i pedagogë. Sot janë planifikuar në Universiteti i Tiranës 200 pedagogë, për të cilët procesi ka filluar.
Janë vaksinuar mbi 12 mijë arsimtarë, ose 30% e mësuesve kanë marrë dozën e parë të vaksinës Astra Zeneca. Kemi arritur në një numër mbi 48 mijë vaksinime, ndërkohë që procesi vijon”, tha ministja.
Ndër të tjera, Manastirliu tregoi se 10 mijë dozat e vaksinës ruse, të mbërritura ditën e djeshme në Shqipëri do të përdoren për të moshuarit + 80 vjeç, në mënyrë që të mos mbetemi prapa me këtë kategori.
Gjithashtu shtoi se në ditët e para të prillit priten të mbërrijnë në Shqipëri doza të vaksinave Pfizer, si dhe janë në negociata me kompaninë AstraZeneca për sigurimin e dozave të tjera të vaksinave.
“Dozat që mbërritën dje, do të vijojmë vaksinimin e të moshuarve + 80 për të ndjekur planin e vaksinimit. Presim të na vijnë doza të tjera të Pfizerit në ditët e para të prillit. Presim nga COVAX një sasi tjetër të AstraZenecas deri në 60 mijë doza. Me të Kosovës thuajse kemi mbaruar, kemi dhe pak për të përmbyllur testimin mbi 500 dozash”, tha Manastirliu.
BISEDA:
Manastirliu: Mbi 12 mijë arsimtarë janë vaksinuar deri më tani.
Rama: Cdo gjë në rregull?
Mësuesi: Në rregull deri tani.
Rama: Deri tani dhe gjithmonë!
Manastirliu: Së bashku me dozat e reja që erdhën ditën e djeshme kemi 90 mijë doza vaksine në total, presim të vijnë doza të reja nga Pfizer në ditët e para të prillit.
Rama: Vjen astrazeneca në Prill?
Manastirliu: Po, presim dhe Covax, 60-80- mijë.
Rama: Me ata të Kosovës mbaruam?
Manastirliu: Po mbaruam, janë disa doza që do të administrohen.
g.kosovari
