Më shumë se 200 ekspozues do të jenë të pranishëm në “Mobile World Congress”, që zhvillohet në Shangai, nga 23 në 25 shkurt.
Organizatori i eventit, “Gsma” bëri të ditur se do të marrin pjesë pothuajse 50 ekspozues ndërkombëtarë nga industria “mobile”, duke përfshirë kompanitë kryesore botërore si “Ericsson”, “Qualcomm” dhe Nokia”, citon “Xinhua”.
Eventi i këtij viti përmban rreth 40 fjalime dhe konferenca të ndryshme. Sipas GSMA, ekspozuesit do të shfaqin produktet e tyre më të fundit në fusha të tilla si mesazhet 5G, valët milimetër, interneti i gjërave dhe “blockchain”.
“Me masa shumë efektive të parandalimit të epidemisë dhe një ekosistem shumë të fortë mobil, Kina është aktualisht i vetmi vend në botë ku mund të mbahet MWC”, -tha Sihan Bo Chen, menaxheri i “Greater China” i Gsma.
