Edhe pse mazhoranca u tërhoq nga ligji i mbetjeve, në Komisionin e Veprimtarive Prodhuese ka pasur debate për këtë çështje. PD ka kërkuar rrëzimin e ligjit me votë në Kuvend, ndërkohë propozuesi i ligjit Eduard Shalsi kujtoi se ligji u tërhoq.
“Nuk di si do ta tërheqim në aspektin ligjor por do të ketë diskutim të gjatë. Ka pasur abuzime dhe manipulime të opinionit publik për këtë nismë. Tërheqja pati përliqmin e të gjitha palëve në komision: PD, LSI dhe PS,” tha Shalsi.
Nga ana tjetër, deputeti i PD, Florion Mima tha se opozita ka kërkuar rrëzimin e ligjit në kuvend me votim.
“Është në nderin tuaj dhe të forcës suaj politike të sillet në parlament dhe të rrëzohet me ligj. LSI ju ka kërkuar referendum. Silleni kërkesën këtu,” tha Mima.
Në lidhje me referendumin e propozuar nga LSI Shalsi është shprehur se do ta firmoste i pari. “Qëllimi madhor ka qenë pastrimi i Shqipërisë,” tha ai./a.m.
