Qeveria ka depozituar në Kuvend dy marrëveshje tregtare për akordim kredie nga Republika Federale e Gjermanisë në vlerën e rreth 22 milionë euro, për menaxhimin e mbetjeve të ngurta në rajonin e Vlorës.
Sipas relacionit që shoqëron këto marrëveshje, thuhet se, dy qeveritë bien dakord për akordimin e një kredie me kushte të favorshme nga qeveria gjermane, me vlerë prej 12 milionë eurosh dhe një granti prej 2.5 milionë eurosh, financime këto që do të vihen në dispozicion nëpërmjet KfW-së, për menaxhimin e mbetjeve urbane në rajonin e Vlorës.
Projekti që do të financohet nëpërmjet kredisë dhe grantit si më sipër, është parashikuar në programin buxhetor afatmesëm, 2017-2019, dhe më konkretisht në programin për menaxhimin e integruar te mbetjeve urbane./b.d
