Ish kryeministri Sali Berisha ka dhënë “argumentin” e tij për ligjin e mbetjeve të 2011(të miratuar nga qeveria e tij), duke thënë se nuk do ta votonte asnjëherë ligjin, nëse do të dinte dëmet e saj të mëdha dhe… direktivën e BE-së, dhënë kohët e fundit në lidhje me riciklimin e mbetjeve.
Berisha ka deklaruar se ndërmjetësi mes mafias dhe qeverisë në lidhje me importimin e plehrave është Sekretari i Përgjithshëm i Kryeministrisë, zoti Ëngjëll Agaci
Sulo: Ka fakte që në parlament PD-ja ka vendosur veton në minutën e fundit. Në grup është votuar në mënyrë kaotike. Qëndrimi i deputetëve demokratë ka qenë kaotik, të pavendosur deri në momentin e votimit të ligjit. Eshtë një fakt që tregon inkoherencën e PD-së për ligjin.
Berisha:Eshtë e vërtetë që janë vendosur kontakte me shoqërinë civile, dhe shoqëria civile ka kërkuar të mos politizohet çështja, se ata e kanë kauzë.
Sulo: Eshtë kauzë e majtë
Berisha: Lufta kundër mafies është kauzë e djathtë. Mafia i solli.
Eni Vasili: Kush janë këta njerëz që kanë dhënë 4 milionë euro.
Berisha: Thirre Agacin ndonjë ditë këtu, se ai s’del. Ka qenë avokati i të gjithë mafies Ndrageta.
I ftuar në emisionin Studio e Hapur, Sali Berisha ka dhënë një histori, që sipas tij ka të bëjë me gjyshin e Kryeministrit dhe të vëllanë e tij, gjë që sipas ish Kryeministrit tregon simptomën e Ramës, kur fjala vjen tek dallimi mes mbetjeve dhe plehrave. Berisha shprehet se të dyja fjalët, janë e njëjta gjë.
“Kazani është gracka ku shpirti i Ramës mbeti si laraska”
Të kujton një histori personale të familjes së tij(Ramës). Gjyshi i tij dhe i vëllai për 27 vite nuk i kanë folur njëri tjetrit… sepse në gardh aty kaloi diçka… njëri thoshte është mace, tjetri lepur… dhe u zunë e nuk i folën më njëri tjetrit.
Do duhen po kaq vite që ai të kuptojë që mbetjet dhe plehrat janë e njëjta gjë. Ky tani do të bëjë një lojë fjalësh, duke kujtuar macen dhe lepurin.
Çfarë ka ndryshuar?
Nëqoftëse do të kisha patur këto fakte të sotme, atë vendim nuk e merrja. Faktet e sotme janë tronditëse.
Ja ku e kemi këtu listën e mbetjeve të importuara në vitin 2014, vit që kanë qenë, që kanë qeverisur… janë në total 338 mijë ton mbetje sipas drejtorisë së doganave….
Dhe ju e merrni vesh këtë tani?
Po sigurisht..,. a mund tma merrte mendja që ky njeri që e ndaloi me ligj importin, do i fuste plehrat pa ligj.
Me direktivat e reja që ka nxjerrë BE gjithcka është ndryshe! BE thotë se nga ekonomia lineare, do duhet të shkojmë në ekonominë cirkulare të mbetjeve. Pra të nisë puna që nga mbetjet në bashki e deri më sipër…
Sipas Berishës, qeveria ka gënjyer për numrin e personave që punojnë në këtë industri, si dhe ka shtuar se plehrat që do të importohen, do të vijnë pa para nga shtetet e tjera.
“Këta bëjnë presion sepse i marrin pa lekë. Plehrat, Italianët dhe Grekët janë të gatshëm të paguajnë para për çdo ton që do të merret. I thonë ata të industrisë që janë 35 mijë mbledhës së mbeturinave… gjithsej janë 1500 persona! Ky thotë 35 mijë! Ky thot që sa i marr me lekë prej këtyre fukarenjve, po i marr pa lekë!”– tha Berisha.
