Xhaxhai i Fatjon Muratit, Sahit Murati i cili mbeti i plagosur mbrëmjen e së dielës gjatë një atentati në lokalin e nipit të tij në Don Bosko, ka dhënë dëshminë e tij para oficerëve të Policisë.
Ai ka treguar se nuk kishte mundur të shikonte asgjë identifikuese nga silueta e dy personave që qëlluan drejt lokalit ku ndodhej.
Murati ka rëfyer se është shtrirë në dyshime, duke mos pasur asnjë mundësi të shikonte personat që qëlluan por edhe të reagonte karshi tyre. Gjithashtu ai ka pohuar se ai dhe familja e tij nuk kanë konflikt me asnjë.
Kujtojmë se antentati mafioz ndodhi gjatë mbrëmjes të së dielës ku dy persona kanë qëlluar me breshëri kallashnikovi në drejtim të lokalit të Fatjon Muratit. Si pasojë e të shtënave mbeti e vrarë Mimoza Paja banakierja e lokalit, si dhe u plagosën 5 persona të tjerë dhe një vajzë e mitur e cila ishte mbesa e viktimës./m.j
