Për të gjithë fermerët që kanë vuajtur pasojat e mungesës së ambienteve të grumbullimit apo ruajtësve frigoriferikë për prodhimet e tyre, si dhe për ata në pamundësi financiare për të çertifikuar prodhimet e tyre, duket se kjo situatë do të marrë fund.
Qeveria shiqptare ka planifikuar paketën e mbështetjes për bujqësinë për vitin 2018 që arrin në 2,6 miliard lekë, falë së cilës do të financohen masat që synojnë shtimin e sipërfaqeve të mbjella.
Ndër të tjera me këto para do të mbështetet implementimi dhe çertifikimi Global GAP në masën 50% të vlerës totale të faturës tatimore për një pjesë të prodhimeve bujqësore.
Gjithashtu instalimi i sistemit të ngrohjes me biomasë (pelet) në serrat me ngrohje apo zëvendësimi i plastmasit termik për serrat diellore ekzistuese, si dhe rrjetat për mbrojtjen e prodhimit nga breshëri në blloqet ekzistuese të kulturës së mollës dhe qershisë.
Paketa synon edhe rritjen e sigurisë ushqimore e për këtë do të mbështen ndërtimi i thertoreve, ambjenteve të përpunimit të produkteve blegtorale, ndërtimi i pikave të reja të grumbullimit të qumështit si dhe ngritja e e ambienteve të grumbullimit dhe ruajtësve frigoriferikë për fruta perime dhe prodhime peshkore.
Aplikimi bëhet online, në portalin e-albania sipas parimit “zero dokumenta” në momentin e aplikimit, duke u paraqitur me kartën e identitetit ose pasaportën biometrike të aplikuesit apo përfaqësuesit ligjor. Nëpërmjet aplikimit on-line për përfitimin e mbështetjes financiare rritet transparenca, si dhe zvogëlohet koha e kostoja për aplikuesin.
