Presidenti Ilir Meta vijon të shfrytëzojë figurat historike për të fituar kredite politike.
Ai dekoroi ditën e sotme heroin kombëtar Vojo Kushi ku dekoratën ja dha një njeriu krejt të panjohur.
Lidhur me këtë, ka reaguar e habitur mbesa e Vojo Kushit, Ilda Kekezi. Ajo tha se presidenca nuk ka pasur asnjë kontakt me trashëgimtarët e Vojo Kushit duke e përdorur emrin e tij veç për politikë.
“Une jam mbesa e Vojo Kushit dhe u cudita qe pashe nje njeri te panjohur qe merr ne dorezim dekoraten e Vojo Kushit ne presidence. Ai mori fjalen dhe as nuk u prezantua fare se e dinte vete qe nuk ka lidhje me Vojon. Bile iku fare dhe harroi te marre edhe dekoraten se e dinte qe ishte kot aty. E pafalshme kjo edhe per organizatoret qe e kane ftuar pa verifikuar asgje”, shkruan Kekezi.
Meta, në dekorimin e heroit, u shpreh se ai ishte një “Tarzan”, i cili përballej në çdo moment me armikun.
(Marrë nga Tema)
