Kanë mbërritur 1170 doza nga vaksina e Pfizer! Lajmin e bëri të ditur kryeministri Edi Rama, i cili sqaroi se shkak pse nuk është marrë doza e plotë është për shkak të vonesës së vetë kompanisë. Ky fenomen është i përhapur tashmë në shumë vendet e Europës, ndërkohë që kompania Pfizer ka deklaruar se në gjysmën e shkurtit do të fillojë sërish shpërndarja, me kapacitet të plotë.
Rama deklaroi është e pamundur që t’i dhurojnë vaksina Kosovës. Kjo sepse ia ndalon kontrata, por gjithsesi në vijim të premtimit të dhënë, shefi i qeverisë tha se 50 mjekë nga Kosova nga spitalet COVID do të vaksinohen në Shqipëri.
Rama thotë se pavarësisht shifrës, Pfizer zotohet se brenda muajit, do të vijnë dhe dozat e angazhuara, qoftë 10700 apo të 30 mijë të tjera duke shtuar se pavarësisht kësaj, shpresat nuk i ka “varur” vetëm te kjo kompani. Astra Zeneca është një tjetër kompani me të cilin po negociohet, madje edhe me 4 shtete të tjera, brenda dhe jashtë BE-së me qëllimin për të siguruar vaksinat anti-COVID. Megjithatë, përjashtohen vaksinat ruse dhe kineze. Ky vendim do të ndryshohet, nëse rast se BE do të hapet përballë këtyre vaksinave, në të kundërtën Shqipëria dop të vijë të marrë vaksina vetë nga blloku perëndimor./a.p
