“Mbathjani të gjithë”, pas kësaj ulërime të një infermiereje në spitalin e “Grifoni” gjithçka u kthye në rrënojë. Spitali u shkatërrua thuajse totalisht dhe të gjithë pacientët dolën në rrugë. Tërmeti i fuqishëm zgjati për rreth 20 sekonda. Pacientët të tmerruar dolën me shpejtësi të ndihmuar edhe nga stafi mjekësor. Dhjetëra të plagosur që nxirren nga rrënojat po mjekohen nëpër rrugë, pasi spitali u shkatërrua.
Paola Mancini, një nga dëshmitaret e tërmetit thotë se dëgjoi ulërimat e infermieres dhe nuk po kuptonte se c’po ndodhte.
Ishte shtruar të martën, mëngjesi i sotëm e gjeti mes rrënojave në rrugë, së bashku me 14 të tjerë të shtruar në qendrën e vogël të Amatrice.
“Zgjati, ishte e tmerrshme. Ishim të tmerruar, u paralizuam nga frika. Dëgjova që gjithçka rreth meje shkatërrohej, binte përtokë”- tregon 79-vjeçarja./a.m.
