(Update) Policia e Korçës nisi punën për arrestimin e një 23 vjeçari i cili kishte mbajtur peng ish-të dashurën e tij, ndërsa në hetimet e nisura zbuloi 1.3 kg kanabis si dhe armë zjarri.
Gjithçka ka nisur pas kallëzimit të shtetases F.F 22 vjeç, banuese në Korçë, ndaj 23 vjeçarit me iniciale J.Gj sepse ky i fundit e kishte mbajtur në banesë pa dëshirën e saj, duke e ka kanosur, dhe privuar lirinë, për 7 ditë me rradhë.
Në vijim të punës dhe veprimeve hetimore, të kryera për ngjarjen në fjalë,nga ana e Specialistëve të Seksionit të Krimeve, vijuan kontrollet e ambjenteve ku ai dyshohet se ishte fshehur.
Kështu u bë kontrolli i banesës të Darin Rapollari, 24 vjeç, banues në Korçë, me të cilin ai kishte lidhje shoqërore. Si rezultat i kontrollit të banesës të tij, u gjetën dhe u sekuestruan në cilësinë e provës materiale:
1- Një armë zjarri ,e tipit pistoletë, marka “Berret” e kalibrit 9mm.
2- Një silenciator.
3- U gjetën 11 fishekë prej të cilëve,4 copë të kalibrit 7.68 mm dhe 7 copë të tjerë të kalibrit 9 mm.
4- Një sasi prej 1,320 kg lëndë narkotike e dyshuar e llojit Cannabis Sattiva.
5- Gjithashtu dhe 5(pesë) aparatë celularë të markave të ndryshme.
6- Një dorezë, përforcuese grushti.
Po kështu,gjatë kontrollit në banesën e shtetasit J. GJ, iu gjet dhe u sekuestruan në cilësinë e provës materiale:
1-Një sasi prej 4 gr, farë e dyshuar si lëndë narkotike, e llojit kanabis sativa.
2-Një pasaportë biometrike, në pronësi të shtetases F.F,22 vjeç.
Si pasojë u bë kapja dhe arrestimi në flagrancë, e Darin Rapollarit për veprat penale “Prodhimi dhe shitja e narkotikëve,kryer në bashkëpunim” dhe “ Prodhimi dhe mbajtja pa leje e armëve luftarake dhe e municionit”.
Gjithashtu po nga Specialistët e Sektorit të Krimeve, bëhet me dije se 23 vjeçari J.GJ, ka qënë shtetas me precedent penal,i dënuar më parë për veprat penale të “Prodhimi dhe arnëmbajtja pa leje” si dhe “Kanosja”.
Sakaq, vijon puna, për kapjen e tij , pasi mbi të rëndojnë këto vepra penale “Përndjekja” , “Heqja e paligjshme e lirisë”, “Prodhimi dhe shitja e narkotikëve,kryer në bashkëpunim”, “Prodhimi dhe mbajtja pa leje e armëve luftarake dhe e municionit”.
Mbante me dhunë ish-të dashurën mbyllur, në kërkim 23 vjeçari
Policia e Korçës ka nisur procedimin penal si dhe ka shpallur në kërkim një 23 vjeçar me inicialet J.Gj. Sipas policisë, procedimi ndaj të riut vjen pas kallzimit të shtetases F.F,22 vjeç banuese në Korçë, e cila deklaron se shtetasi i mësipërm me të cilin ka patur lidhje, e ka mbajtur në banesë pa dëshirën e saj.
Sipas dëshmisë së vajzës, 23 vjeçari në mënyrë të vazhdueshme e ka kanosur, duke i ka kërkuar të vazhdojnë lidhjen.
Materialet i kaluan Prokurorisë të Rrethit Gjyqësor Korçë për veprën penale “Përndjekja” dhe “ Heqja e paligjshme e lirisë”.
