Ministria Bujqësisë bëri të ditur për ATSH-në, se hidrovorët po punojnë me kapacitet të plotë për të përballuar situatën e rënduar të përmbytjeve, që ka përfshirë disa rrethe të vendit, nga rreshjet me intensitet të lartë që kanë rënë gjatë natës së mbrëmshme dhe paraditen e së hënën.
Sipas ministrisë së Bujqësisë deri tani nuk raportohet për situatë përmbytjesh në tokat bujqësore, ndërsa grupet e punës janë në terren dhe po monitorojnë çdo zhvillim.
Ministria e Bujqësisë njofton se, në hidrovoret e Tërbufit në Lushnje dhe Darzezë në Fier ka patur ndërprerje të energjisë elektrike gjatë mëngjesit, por grupe të punës nga OSHEE po punojnë për të normalizuar situatën. (java / r.a)
