Kryeministrja britanike Teresa May nuk reflektoi në qëndrimet e saj rreth planit të Brexit gjatë bisedimeve me krerët e shteteve anëtare të BE, pavarësisht nga rrëzimi i këtij projekti në parlamentin britanik.
Qëndrimi i zonjës May, e cila përballet me një bllokim politik në vendin e saj, ka lënë … pa përgjigje diplomatët në Bruksel të cilët duket se kanë pritur një ndryshim të bisedimeve.
Pretendimet e Mei vazhdojnë të përqëndrohen te një afat përfundimtar ligjor për daljen e Britanisë nga BE, mekanizmi i sigurisë për kufirin e Irlandës së Veriut, e drejta e Mbretërisë së Bashkuar për t’u tërhequr në mënyrë të njëanshme, ose një angazhim për të finalizuar një marrëveshje tregtare para 2021 për të shmangur hyrjen në fuqi të një backstop-i.
Mei i ka përsëritur këto kërkesa në bisedimet me kryeministrin holandez Mark Rude, kancelaren gjermane Angela Merkel, presidentin francez Emmanuel Makron dhe kryeministrin irlandez Liou Varadkar, shkruan The Telegraph.
/a.meta
