Qendra e Shërbimeve Arsimore ka shpallur sot rezultatet e provimit të lëndëve me zgjedhje për Maturën 2024.
Ministrja e Arsimit dhe Sportit, Ogerta Manastirliu ka shpërndarë në rrjetet sociale linkun me rezultatet e testimit të çdo maturanti.
Lëndët me zgjedhje ishte provimi i fundit për 28 mijë maturantë që u zhvillua të hënën e 24 qershorit.
Për mbarëvajtjen e provimeve të maturës ishin rreth 144 qendra provimi, që u administruan nga 2700 punonjës arsimorë të të gjitha strukturave, të cilët u angazhuan për të administruar dhe monitoruar procesin e Maturës Shtetërore.
/a.r
