Provat e gjetura në makinën e dyshuar e përdorur nga autorët e atentatit ndaj prokurorit të Durrësit Arjan Ndoja, si armët e zjarrit, maskat apo faktorë të tjerë biologjikë, si përshtyma apo shenjat e gishtave të fiksuara në to, pritet të hedhin dritë për identifikimin e atentatorëve.
Pasditen e djeshme, atentorët qëlluan me 20 plumba drejt automjetit ku udhëtonte prokurori Arjan Ndoja, shoferi Andi Maloku dhe miku i tij Landi Muharremi.
Burime nga grupi hetimor bëjnë me dije se maskat në të cilat u pikasën gjurmë pështyme u gjetën bashkë me 2 kallashnikovët të tipit AK-47 brenda automjetit që përdorën autorët.
Automjeti tip “Mercedez Benz Evo”, ngjyrë gri dhe me targa shqiptare false u gjet e braktisur dhe e padjegur në Shkafanë të Ishmit, vetëm pak orë pas atentatit. Kjo makinë rezulton të jetë vjedhur dy javë më parë në Tiranë.
