Afro 100 qytetarë janë mashtruar në një periudhë kohore prej dy muajsh për punësim në Kazakistan. Policia e Elbasanit po ndjek penalisht dy shtetas, të cilët për këto raste kanë përfituar 50 mijë euro. Kallëzimi nga të mashtruarit, pasi nuk u dërguan për të punuar sipas premtimit.
Policia e Elbasanit ka proceduar penalisht një shtetas dhe ka shpallur në kërkim një tjetër pasi kishin ngritur një rrjet mashtrimi për punësime jashtë vendit. Burime zyrtare nga Policia bën me dije se janë afro 100 persona që janë mashtruar ndërsa shuma e përfituar shkon deri në 50 mijë euro.
Të njëjtat burime saktësuan se Sektori për Krimin Ekonomik dhe Financiar në Drejtorinë Vendore të Policisë Elbasan filluan proçedimin penal ndaj shtetasit me iniciale A.O, 46 vjeç banues në Kavajë dhe po punohet për kapjen e shtetasit A.Rr, 43 vjeç banues në Tiranë.
Këta shtetas në bashkëpunim me njëri-tjetrin gjatë muajt shtator – tetor 2016 dyshohen të kenë mashtruar rreth 100 persona, duke ju marrë 500 Euro secilit, në total 50.000 Euro, për ti dërguar në Kazakistan, për të punuar.
