Policia e Fierit ka ndaluar administratorin e një shoqërie private për “Fshehje e të ardhurave”, “Mospagimi i taksave dhe tatimeve” dhe “Falsifikimi i vulave, i stampave ose i formularëve”. Specialistët e Sektorit për Krimin Ekonomik e Financiar në Drejtorinë Vendore të Policisë Fier, ndaluan shtetasin Agim Hoxha, 49 vjeç, banues në lagjen “1 Maj”, Fier.
Ndalimi i këtij shtetasi u bë pasi si administrator i shoqërisë “Hoxha 2010 SHPK”, gjatë aktivitetit tregtar ka fshehur shumën prej 66.771.659 lekë, duke bërë deklarime fiktive në organet tatimore.
Materialet i kaluan Prokurorisë pranë Gjykatës së Shkallës së Parë Fier për veprat penale “Fshehja e të ardhurave”, “Mospagimi i taksave dhe tatimeve” dhe “Falsifikimi i vulave, i stampave ose i formularëve” parashikuar nga Nenet 180,181 dhe 190 të Kodit Penal. (javanews.al / a.r)
