PARANDALIMI HORMONAL
Këtu përfshihen kontraceptivet, unazat vaginale, implantet. Të gjitha këto metoda kërkojnë miratimin e një mjeku dhe një vizite me të. Me metodën më të përhapur të kontraceptivëve, parandalimi i një shtatzanie është 90% efikas. N.q.s përdoret korrektësisht sipas skemës së përshkruar nga mjeku parandalimi është 99% I sigurtë.
PARANDALIMI BARRIERE
Sikurse kuptohet edhe nga emri, është pengesa që u bëhet spermatozoideve për të arritur tek veza. Prezervativët janë një barrierë e lirë ekonomike që bën mbrojtje edhe ndaj Sëmundjeve Seksualisht të Transmetueshme. Sigurojnë mbrojtje nga 80-98%.
SI TA PERDORIM ME EFIKASITET PREZERVATIVIN
- Pergatituni: duhet të jete e lehtë për ju kur ta vendosni
- Kontrolloni datat e skadencës. Janë shumë të rëndësishme.
- Ruajini mirë. Drita dhe temperaturat e larta i dëmtojnë.
- Ndiqni udhezimet kohë përpara përdorimit. Kur të jeni gati për ta përdorur nuk do keni kohë të lexoni udhezimet.
- Kujdes kur hapni ambalazhin, mund të dëmtoni edhe prezervativin.
- Përdorni madhësine e duhur. Një prezervativ më i madh apo më i vogël nuk bën punë.
- Përdorni lubrifikantë. Ulin rrezikun e çarjes së prezervativit.
Egziston edhe prezervativi femeror, i cili bën mbrojtje 80%. Sfungjeri është një tjetër barriere. Është një lloj shkume që vendoset në vaginë, e trajtuar me spermicide. Bën mbrojtje nga 68% – 84%. Diafragma gjithashtu bën mbrojtje. Por mund të merret vetëm me recete nga mjeku.
IUD (intrauterine devices)
Pajisje të vogla plastike që vendosen në uterus. Procedura është e shpejte dhe e thjeshtë. Janë 99% të sigurta.
KONTRACEPTIVI I URGJENCES
Nuk duhet konsideruar si një formë e rregullt kontraceptive. Mund të përdoret vetëm në raste të rralla ose në rast çarje të kondomit.
