58-vjeçari Tefik Tashi, i cili vrau me sëpatë motrën e gruas së tij, Alma Qevanin, është lënë në burg. Tri ditë pas krimit makabër në fshatin Kusarth të Elbasanit, Tashi është njohur me masën e sigurisë nga gjyqtarja Matilda Fetau.
Gjatë seancës vrasësi është shprehur se ndjehet i penduar për krimin e kryer dhe se sipas tij gjithcka ka ndodhur në një moment gjaknxehtësie.
Krimi erdhi pasi një debati të nisur në shtëpinë ku jetonin viktima, motra e saj Ema Qevani, autori dhe prindërit e dy motrave. Më pas Tefik Tashi dhe dy gratë dolen nga shtëpia duke vijuar debatin në rrugë aty ku 58-vjeçari qëlloi me sëpatë motrën e bashkëhortes së tij.
Vetëm pak minuta më pas autori u kap nga policia, teksa ishte duke vrapuar në fshatin Shirgjan, me sëpatën në duart me gjak.
/a.r
