Kryeministrja e Zelandës së Re, Jacinda Ardern, ka thënë se kabineti i saj ka mbështetur në parim ndryshimin e ligjit për armët.
Kjo pas sulmit terrorist të ditëve më parë në dy xhami ku mbetën të vrarë 50 persona dhe shumë të tjerë pësuan lëndime, shkruan BBC.
Duke folur në një konferencë për shtyp pas një takimi të kabinetit, Ardern tha se priste që të japë detaje mbi reformat deri më 25 mars.
“Kjo përfundimisht do të thotë që brenda 10 ditëve nga ky akt terrorist, ne do të kemi njoftuar reformat që do të besoj se do ta bëjnë komunitetin më të sigurt”, tha ajo.
“Ne kemi marrë një vendim si kabinet, jemi të unifikuar,” u tha kryeministri gazetarëve.
Ardern njoftoi gjithashtu se një hetim do të shikojë në krye të gjakderdhjes dhe çfarë mund të ishte bërë ndryshe.
Sulmuesi ka qenë 28 vjeçari australian me identitet, Brenton Tarrant.
Policia ka thënë se ai përdori armë të stilit ushtarak që kanë qenë të modifikuara në atë formë që të jenë më vdekjeprurëse gjatë kryerjes së sulmeve.
Zhvillimet e së premtes ngjallën reagime për reforma në ligjet për përdorimin e armëve, ku vet Ardern tha se kjo shpejt do të ndodhë.
Detajet për këto reforma gjatë një konference për media ajo ka thënë se do të jepen më 25 mars.
