Janë publikuar imazhet nga kamerat e sigurisë të sulmuesit vetëvrasës me bombë Salman Abedi në natën kur ai la të vrarë 22 persona në ‘Manchester Arena’.Fotot e tij janë publikuar nga policia. Policia deri më tani ka bërë kërkime në 14 lokacione dhe ka arrestuar 13 persona si të dyshuar lidhur me sulmin.
Identiteti i Abedit ishte mësuar brenda sy orësh pas sulmit, tha policia.
Nga samiti i G7, kryeministrja britanike Theresa May, është shprehur se kërcënimi nga Shteti Islamik ende nuk po zhduket.
“Teksa ata humbasin territor në Irak dhe Siri, luftëtarët e huaj po kthehen dhe ideologjia plot urrejtje e grupit po shpërndahet online,”-u shpreh May, duke shtuar se lufta tashmë është zhvendosur nga fushëbeteja tek interneti.
Kryeministrja mori mbështetjen nga anëtarët e tjerë të G7, për të nxitur kompanitë teknologjike të zhvillojnë aftësi për të identifikuar materialet ekstremiste dhe për t’i raportuar të tilla përmbajtje tek autoritetet. /b.d
