Trupi i pajetë i 34 vjeçarit i cili pasi vrau bashkëshorten e tij vrau dhe veten qëndron prej 5 ditësh në morgun e Korçës pasi nuk e varros njeri. Paraditen e së dielës ai vrau me thikë bashkëshorten dhe më pas veten. Trupi i tij u refuzua për t’u varrosur nga familjarët e bashkëshortes së cilës i mori jetën. Pranë morgut janë paraqitur disa të afërm të tij për të tërheqin trupin dhe për t`i bërë ceremoninë e përcjelljes për në banesën e fundit.
Burime të rezervuara bënë me dije se ka qenë pikërisht tezja e 34¬ vjeçarit, e cila jeton në Librazhd, ajo që është paraqitur dhe ka kërkuar të marrë trupin e tij për ta varrosur.
“Unë së bashku me disa të afërm të tij do ta marrim përsipër varrimin e tij. Ajo që ndodhi ishte e rëndë, por ne nuk mund ta lëmë kështu, sepse ishte gjaku ynë”, mësohet të ketë deklaruar gruaja para autoriteteve.
Por pavarësisht se ajo ka deklaruar se do të tërheqë trupin pasditen e së mërkurës, nuk është paraqitur për ta bërë këtë veprim dhe për t’i dhënë lamtumirën 34¬ vjeçarit, raporton Panorama. Po të njëjtat burime sqarojnë se pasi gruaja është paraqitur, është e nevojshme që të kryhen disa procedura para se ajo të mund të tërheqë trupin e pajetë, gjë e cila i është bërë me dije. Për shkak se 34¬-vjeçari ishte autor dhe viktimë e një ngjarjeje tronditëse, duhet një urdhër nga Prokuroria për t’i lejuar të afërmit që të marrin trupin, gjë e cila nuk ishte përgatitur për shkak se asnjë person nuk kishte marrë përsipër tërheqjen e trupit.
ma.me
