Kreu i Partisë Demokratike, Lulzim Basha i është kundërpërgjigjur kryeministrit Edi Rama, i fundit i kërkon që të dalë dhe të sqarojë akuzat nga dëshmitarët për masakrën e Krushës.
Basha i ka konsideruar deklaratat e Ramës vetëm gënjeshtra, ndërsa thekson se nëse do ishte marrë dhe do kishte bërë mirë punën e menaxhimit të pandemisë do kishte shpëtuar ato tetë jetë njerëzish që humbën betejën me koronavirusin në 24 orët e fundit.
Basha shprehet i bindur se me ardhjen e tij në pushtet do të sjellë një shpresë të re për Shqipërinë dhe qeveria e tij do të punojë vetëm për njerëzit.
Postimi i plotë:
Nëse Rama do kishte investuar kohën e tij sot, në shërbim të qytetarëve në vend që të cicëronte gënjeshtra kundër meje, mbase do të kishte arritur të shpëtonte disa nga 8 qytetarët që humbën jetën nga Covid-19 sot. Ndërsa vendi po thyen rekordet e infeksioneve, Rama merret vetëm me sulme politike dhe gënjeshtra. Bashkë do të sjellim shpresë të re për Shqipërine me një qeveri që do të punojë vetëm për njerëzit!
