Një ngjarje e rëndë ka shokuar Italinë ditën e sotme ku 3 gra janë vrarë me armë zjarri dhe 4 të tjerë kanë mbetur të plagosur në gjendje të rëndë.
Krimi ndodhi në Romë gjatë një takimi të bordit drejtues të një konsorciumi (bashkim kompanish) që menaxhon vilat në liqenin Turano.
Të pranishmit në mbledhje u qëlluan me armë nga një burrë 57-vjeçar i identifikuar si Claudio Campiti, i cili është arrestuar. Për motive të paqarta, ai hyri brenda mbledhjes, mbylli derën dhe bërtiti “do t’ju vras të gjithëve”.
Nga sulmi me armë vdiqën 3 gra dhe 4 persona të tjerë janë të plagosur.
Sipas dëshmitarëve, ngjarja do të ishte akoma më e rëndë nëse ata nuk do të kishin ndërhyrë personat e tjerë që ndodheshin në mbledhje për të neutralizuar autorin, raporton agjencia e lajmeve Ansa.
Nga hetimet e deritanishme ka rezultuar se autori e mori armën në një poligon qitje dhe nuk e kishte kthyer.
/a.r
