LOS ANGELES- Ylli i serisë ‘Vampire Diaries’ Ian Somerhalder dhe kolegia e tij Nikki Reed janë martuar në Santa Monika, të Kalifornisë, raportoi faqja për argëtim online E!
Samerholder (36 vjeç) dhe 26-vjeçarja Reed, e njohur për rolin e saj në sagën “Twilight” u martuan pak ditë më parë në një kohë pak para agimit të diellit. Samerholder pati kohë që të shkruante në llogarinë e tij në Twitter: “Më i bukuri mëngjes ndonjëherë …”
Të sapomartuarit kërkuan nga mysafirët e tyre të dhurojnë të holla në vend të dhuratave në mënyrë që të ndihmohet fondacioni i tyre për të shpëtuar kafshët.
Çifti filloi të shoqërohet para nëntë muajve, por para katër muajve ata vendosën të angazhoheshin.
Sipas asaj që shkruan një faqe interneti, një nga gjërat që i solli ata së bashku, përveç kimisë së dukshme, ishte dashuria e tyre e madhe ndaj kafshëve.
