Analisti Martin Leka ishte sot në Report Tv ku foli mbi angazhimin e institucioneve si SPAK dhe Prokuroria e Përgjithshme për hetimin e krimeve zgjedhore, tashmë që për pak fillon fushata elektorale për 11 majin. Leka thotë për Nertil Agalliun në ‘Sot Live në Shqipëri‘, se Rama dhe Berisha anatemojnë drejtësinë kur iu preken interesat.
‘Nuk përkon me një lloj fryme që duhet të krijojë drejtësia në Shqipëria. Rasti Veliaj ka rritur tonin e akuzave të Ramës ndaj SPAK, ngaqë krijohen dy standarde jo tashmë, nga SPAK por nga vetë politika. Rama ka sigurisht me gjuhë të moderuar anatemuar organin e drejtësisë. Kemi një ndryshim qëndrimi të PD, të Berishës që nga një strukturë kriminale, në rastin e Veliaj bëri diferencë. E zhveshi nga akuza që i bëri dhe la vetëm një njeri, Dumanin si pjesë të organizatës. Duhet parë në gjithë analizën.’
Më tej Leka tha se Berisha dhe Rama mund të bëhen bashkë nëse është puna për të ndërruar disa prokurorë pa integritet në sistemin e drejtësisë.
‘Problemi qëndron tek integriteti i personave në krye të institucioneve apo që duhet të kontrollojnë organet e drejtësisë. Edhe duke u bërë bashkë Berisha dhe Rama le të ndryshojnë ligje dhe emra. Shteti ka plot mekanizma për të eliminuar korrupsionin. Korrupsionin nuk e lufton vetëm SPAK. Ka një sërë mekanizmash që rregullojnë korrupsionin. Nëse ka prokuror pa integritetin e duhur moral dhe profesional atëherë shumë mirë duhen mekanizma që të ndërrohen dhe të zëvendësohen me njerëz me integritet moral të duhur.’
Së fundmi Leka foli dhe për primaret në PD, që sipas tij do e dobësojë dhe përçajë edhe më shumë këtë forcë politike.
‘Do sjelli dobësim të PD-së, kemi parë në disa raste gjatë zgjedhjeve në disa struktura ku pati dyshime mbi procesin. PD është e përçarë edhe pse Berisha dhe demokratë të tjerë thonë është e bashkuar. Është më e përçarë se kurrë. Dhe futja e garës ë këtë periudhë vetëm do minonte sadopak kompaktivitetin që duhet të kenë demokratët.’
