Ai drejtoi “Pekin Express”, është një nga fytyrat kryesore të “Real Time”, por emri i Enzo Miccio është i lidhur pashmangshmërisht edhe me konceptin e martesës. E kemi fjalën për dasmat në realitet dhe gjithashtu në “metavers”.
Planifikuesi i njohur i dasmave ka festuar martesën e tij të parë në ‘metaverse’. Më konkretisht, ka martuar Kevin-Prince Boateng dhe Valentina Fradegrada edhe me teknologjinë 3D. Për futbollistin është martesa e tretë, pas asaj me Jennifer Michelle, me të cilën ishte i lidhur nga viti 2007 deri më 2011 dhe nga e cila lindi Jermaine-Prince, si dhe Melissa Satta, me të cilën ishte nga viti 2016 deri më 2020, nënë e djalit të tij, Maddox Prince.
Dasma ‘mbretërore’ u zhvillua në fshatin toskan Radicondoli, me vetëm 911 banorë, në provincën e Sienës, por “metaverses” është një risi që vetë Enzo Miccio e ka reklamuar përmes llogarisë së tij në Instagram, duke treguar vetëm një imazh nga dasma e realitetit virtual:
Imagjinoni të bashkoni një planifikues dasmash paksa të çmendur, që i do sfidat dhe mbi realitetin (platforma e decentralizuar për Metaverse) dhe dashurinë e dy yjeve si futbollisti Kevin-Prince Boateng e Valentina Fradegrada, ndikuese e famshme, sipërmarrëse, DJ, pesë herë kampione në ‘Wushu Kung Fu’. Dhe çfarë mund të arrihet në këtë rast? Një dasmë në hapësirë.
Festimi i dasmës së PARË në “Metaverse” zhvillohet në një vend vërtet unik, në hënë. “Kërkesa e të porsamartuarve ishte që të mund të martoheshin aty ku askush nuk e kishte bërë më parë. Dhe si mund të mos e plotësoja dëshirën e tyre?
Bashkëpunimi mes nesh dhe OVER i ka dhënë jetë një lokacioni të personalizuar, të krijuar tërësisht me teknologjinë 3D”, – thotë Enzo Miccio. Megjithatë, çifti dëshironte që edhe fansat të merrnin pjesë në dasmën e tyre. Dhe kështu ndodhi.
Në fakt, të gjithë pjesëmarrësit ishin në gjendje ta aksesonin dasmën përmes një NFT ekskluzive. Në lokacion, përveç të porsamartuarve dhe miqve të tyre katërkëmbësh të pandashëm, ishin edhe fansa të shumtë virtualë, të cilët shijuan dasmën e parë në ‘metaverse’.
“Metaverse”, një fjalë e dëgjuar gjithnjë e më shumë kohët e fundit, kombinon elemente të ndryshme të teknologjisë së bashku, duke bashkuar botë të ndryshme si realiteti virtual, realiteti i shtuar, ku përdoruesit mund të ndërveprojnë me njëri-tjetrin brenda një universi dixhital. Është një univers në të cilin ‘blockchain’ luan një rol udhëheqës.
/e.d
