Marsi mund të quhet si muaji i fitoreve të mëdha për Shqipërinë. Në historinë e Kombëtares janë luajtur gjithsej 28 ndeshje në këtë muaj, teksa ka një balancë sa u përket rezultateve pozitive dhe negative: 12 fitore, po kaq humbje dhe katër ndeshje të përfunduara në barazim.
Historia e takimeve të këtij muaji nis më 30.03.1983, kur Shqipëria luante kundër Gjermanisë Perëndimore në Tiranë dhe humbte me shifrat 1-2. Ndeshja e fundit që kuqezinjtë kanë luajtur gjatë këtij muaji është më 29.03.2016, kur mposhtën Luksemburgun 0-2 në transfertë.
Gjithsesi, mund të quhet muaji i fitoreve të mëdha, duke iu referuar atyre ndaj Rusisë 3-1 në stadiumin “Loro Boriçi” të Shkodrës, si dhe kundër Norvegjisë në transfertë 0-1, falë një supergoli të Hamdi Salihit. Nga këto dy ndeshje mund të frymëzohen kuqezinjtë për përballjen ndaj Italisë, nesër në Palermo, edhe pse emri i kundërshtarit është i frikshëm.
Sa i përket koincidencës së datës 24 mars, kur dhe luajmë kundër axurrëve, Shqipëria ka zhvilluar në historinë e saj vetëm dy ndeshje, pikërisht ndaj Gjermanisë më 24.03.2001, kur ka humbur 2-1 në Hanover dhe, për herë të fundit, më 24.03.2007 në Slloveni, një ndeshje që ka përfunduar në barazim 0-0.
a.ç
