Prokuroria e Kukësit ka kopsitur dosjen për këngëtaren Fjolla Morina e cila më 19 shtator u ndalua nga policia Kufitare e Morinës, pasi kishte një armë zjarri në çantë dhe një pistoletë të lllojit çakmak në bagazhin e mjetit ‘AudiQ7”. Mësohet se Morina pret që të dalë në gjyq për akuzën “armë mbajtje pa leje”, dhe rrezikon deri në shtatë vite burg.
Ndërsa për dy personat e tjerë, shoferin Fitim Muji dhe Fisnik Sylën që ishte në të njëjtën makinë me Morinën dhe është i dashuri i këngëtares, është pushuar çështja. Prokuroria ka konsideruar se nuk ka prova të mjaftueshme për të ngritur akuzë për Sylën dhe Mujin, duke i lënë ata të lirë.
Tashmë dosja është në duart e gjykatësit paraprak dhe pritet të caktohet data e gjyqit. Fjolla Morina u arrestua më 19 shtator, teksa po kalonte në pikën kufitare të Morinës. Ajo po udhëtonte në makinën e saj, tip “Audi Q7”, bashkë me biznesmenin nga Kosova me vendbanim në Belgjikë, FisnikSyla dhe me shoferin e saj, Fitim Muji.
Asaj iu gjetën dy armë me vete, njëra brenda në çantë, ndërsa tjetra, në bagazh. Pas ekspertizës, u konstatua se njëra ishte armë zjarri, ndërsa tjetra, çakmak. Pas arrestimit Morina pranoi pronësinë e armës që ndodhej në makinë dhe tha se dy personat që e shoqëronin, nuk kishin lidhje me pistoletën dhe nuk kishin dijeni.
Ajo tha se armën tip “Zoraki”, ia kishte dhuruar një miku i saj në Gjermani, që nuk jeton më. Kjo ngjarje, solli edhe bërjen publike të historisë së dashurës së Morinës me Sylën. Dyshja po kalojnë bashkë periudhën që këngëtarja është vendosur në ‘arrest shtëpie” në Kukës.
g.kosovari
