Presidenti i Republikës së Shqiperisë Ilir Meta, i ftuar në Senatin amerikan nga Kryetari i Komisionit të Mbrojtjes, Senatori Jim Inhofe, ku ka folur në forumin me temë: “Sfidat e Rajonit të Europës Juglindore dhe përballja me ndërhyrjen nga Rusia”.
Gjatë fjalës së tij Meta ka folur dhe në lidhje me marrëveshjen Kosovë-Serbi për të cilat u shpreh se janë afatgjate. Presidenti u shpreh se në këtë marrëveshje SHBA dhe BE janë garantuese për një vendim përfundimtar dhe të drejtë.
“Ne jemi të bindur se marrëveshja përfundimtare ndërmjet Kosovës dhe Serbisë do të prodhojë paqe, stabilitet, siguri afatgjatë në rajon duke pasur SHBA-në dhe BE-në si garantues.
Rezultatet e kësaj marrëveshjeje përfundimtare do të thonë se Kosova do të jetë njohur nga Serbia si një shtet i pavarur dhe anëtar me të drejta të plota i Kombeve të Bashkuara. Ndryshimi i vetëm kufitar për të cilin duhet të punojmë natë e ditë në rajonin tonë është zgjerimi i plotë i kufirit europian në Ballkanin Perëndimor.”
