Ka marrëveshje për Brexit. Kështu deklaroi Presidenti i Komisionit Europian, Jean-Claude Juncker pas takimit me Kryeministren britanike, Theresa Maj në Bruksel.
“Ishin negociata të vështira, por tani kemi një kthesë të parë. Jam i kënaqur me marrëveshjen e drejtë që kemi arritur me Britaninë e Madhe“, tha Juncker.
Kryeministrja britanike, Theresa Maj deklaroi: “Kemi punuar shumë” për të arritur një marrëveshje mbi Brexit, “nuk ishte e lehtë për të dyja palët”, por tani jemi këtu.
May tha se kjo arritje ishte një “zhvillim i rëndësishëm” dhe ishte “në interesin më të mirë të të gjithë Mbretërisë së Bashkuar”.
Më 15 dhjetor, liderët e 27 vendeve europiane do të mblidhen në samit për të diskutuar progresin në bisedimet për Brexit dhe për t’i dhënë dritën jeshile fazës së dytë të negociatave mbi marrëdhëniet e ardhshme të BE me Britaninë e Madhe.
Në çështjen irlandeze, Britania e Madhe premtoi “të parandalojë ngritjen e një kufiri fizik” midis Irlandës dhe Irlandës së Veriut.
Kushtet e marrëveshjes
Sipas një burimi anononim që është pjesë e negociatave, Britania do t’i paguajë BE, një shumë prej 35 deri 39 miliardë paund, ekuivalente me 40-45 miliardë euro
“Detyrimet financiare” britanike, të drejtat e emigrantëve dhe kufiri irlandez ishin tre pikat më të nxehta të diskutimeve
Tani është koha për të parë përpara ku Britania është një mik dhe një aleat, tha Juncker.
Marrëveshja e ngushtë midis BE-së dhe Britanisë së Madhe “garanton të drejtat e mbi 3 milionë qytetarëve të BE-së që jetojnë në Britani dhe anasjelltas.
javanews.al/a.ç
