FIFA ka vendosur të premten që të pranojë kandidaturën e Marokut, si vend organizator i Kupër së Botës në futboll për vitin 2026. Komiteti i vlerësimit i FIFA-s ka njoftuar palën marokene se është pranuar si kandidate zyrtare në votimin për të shpallur vendin organizator të Botërorit 2026, procedurë që do të zhvillohet në 13 qershor në kongresin e FIFA-s në Moskë.
Dosja marokene përmban, sipas palës aplikuese, të gjitha standartet për zhvillimin e Kupës së Botës për herë të parë me 48 ekipe. Një format i gjerë dhe i paprovuar më parë.
Me këtë rast Hafid Elalamy, president i i kandidaturës “Maroc 2026”, u shpreh se “jemi entuziastë rreth mundësive të kualifikimit dhe shprehemi të gatshëm për ta organizuar këtë event të madh. Do t’i paraqesim vendeve votuese vizionin e Marokut për Botërorin 2026, me qëllim që të bindim vendet anëtare për të pranuar kandidaturën tonë”.
