Diego Maradona beson se Lionel Messi nuk ka asgjë për t’i dëshmuar Argjentinës, me të cilën mund të luajë Botërorin e fundit këtë muaj.
Messi ka qenë në formë të jashtëzakonshme me Barcelonën, megjithatë nuk ka arritur që edhe kombëtaren e tij ta udhëheqë drejt trofeve, transmeton Koha.net.
Më së afërmi ishte ta bënte në Kupën e Botës më 2014 kur Argjentina arriti në finale për t’u mposhtur nga Gjermania me rezultat minimal me golin e Mario Gotzes në vazhdime.
“Do ta këshilloja Messin që të vazhdon të luajë, që të kënaqet me lojën. Ai duhet t’i harrojë kritikat, nëse mund të fitojë Kupën e Botës apo jo.
Ai nuk duhet të dëshmojë ndonjë gjë, ai duhet ta shijojë lojën në fushë. Nuk e di se si do të luajë Sampaoli, por i njoh lojtarët dhe e di se ata do të japin gjithçka”, është shprehur Maradona për Omnisport. (b.an)
