Diego Maradonas nuk po i pëlqen fakti se Gonzalo Higuain do t’i bashkohet rivalëve të Napolit.
Ish sulmuesi dhe legjenda e Napolit, Diego Maradona, ka thënë se ai është i “lënduar” që Gonzalo Higuain po i bashkohet Juventusit.
Gjatë ditës së shtune u raportua se Juventusi ka arritur marrëveshje me Napolin për transferimin e ish sulmuesit të Real Madridit, i cili do t’i kushtojë ‘Zonjës së Vjetër’ 94 milionë euro.
Maradona, i cili fitoi dy Scudetto me Napolin, Kupën e Italisë dhe Kupën e UEFA’s, thotë se tifozët janë duke përjetuar më së keqi këtë transferimin, derisa thotë se lojtari nuk duhet fajësuar.
“Kjo çështje e Higuainit është duke më lënduar pasi ai po shkon te rivali direkt, Juventusi”, ka shkruar Maradona në Facebook. “Por, ne nuk duhet që ta fajësojmë lojtarin”.
“Lojtari ka përgjegjësi për vetveten që të zgjedh të ardhmen dhe kjo mënyrë e të bërit biznes po i dëmton më së shumti tifozët. Jam lodhur duke thënë se sot më e rëndësishme është të jesh një biznesmen i mirë se sa një president i mirë. Shumë keq për FIFA’an që po vazhdon të flejë”, ka shkruar ndër të tjera legjenda botërore në rrjetin social, citohet ”Express”. (b.an)
