Krerët shtetërorë të Maqedonisë kanë përshëndetur ftesën për anëtarësimin e Malit të Zin ë NATO, ndërkaq nuk kanë lënë anash ankesat ndaj NATO-s dhe vetos greke që nga viti 2008, njofton korrespodenti i Kohës Ditore nga Shkupi.
“Ne si vend nga ky rajon i gëzohemi çdo suksesi të çdo vendi, sepse suksesi i çdo vendi veçmas kontribuon në stabilitetin dhe sigurinë e gjithë rajonit tonë. Megjithatë duhet pasur parasysh se Maqedonia shumë kohë më parë i ka përmbushur të gjitha kushtet të cilat janë paraparë për anëtarësim në NATO, por për shkak të bllokadës nga fqinji jonë jugor ende jemi në status-quo situatë”, ka thënë presidenti i Maqedonisë, Gjorgje Ivanov.
Me deklaratë të ngjashme ka dalë edhe ministri i mbrojtjes së Republikës së Maqedonisë, Zoran Jolevski.
“Urojmë miqtë tanë në Malin e Zi, jemi krenarë që ata morën ftesën për anëtarësim në NATO. Ju e dini se Maqedonia që në vitin 2008 ka përmbushur kushtet për anëtarësim në këtë organizatë në Samitin e Bukureshtit, por për shkak të pengesës së njohur ne ende nuk kemi arritur të marrim ftesën”, ka deklaruar Jolevski. NATO ndërkaq përmes një kumtese ka thënë se ika dyert e hapura për zgjerim të mëtutjeshëm, ku do të përfshihet edhe Maqedonia, duke e vërtetuar ftesën e kushtëzuar për vendin tonë. Edhe NATO ka rikujtuar kontestin me Greqinë për çka shpreson se do të arrihet marrëveshjes e pranueshme mes dy vendeve.
