Maqedonia sot mbajti zgjedhjet e parakohshme parlamentare që pritet t’i japin fund krizës politike në vend, e cila u thellua pas publikimit të të ashtuquaturave ”bombat” nga ana e opozitës, njofton Telegrafi Maqedoni.
Reagimet e para të partive politike lënë të kuptohet se zgjedhjet do të pranohen nga të gjitha palët dhe se konsiderohen si të rregullta dhe demokratike.
Numërimi i fletëvotimeve ka filluar, ndërkaq burimet e Telegrafit Maqedoni nga partitë politike bëjnë të ditur se në Njësinë Zgjedhore 6 është duke u zhvilluar një betejë e ashpër mes të gjitha partive politike shqiptare.
Organizata jo-qeveritare për ndjekjen e rregullësisë së zgjedhjeve, Most ka publikuar informacione që ata i kanë siguruar nëpërmjet vëzhguesve në vendvotime, transmeton Telegrafi Maqedoni.
Në Njësinë Zgjedhore numër 1: 71.44%
Në Njësinë Zgjedhore numër 2: 64.09%
Në Njësinë Zgjedhore numër 3: 70.3%
Në Njësinë Zgjedhore numër 4: 72.95%
Në Njësinë Zgjedhore numër 5: 72.28%
Në Njësinë Zgjedhore numër 6: 50.28%
Të gjithë janë në pritje të rezultatit zyrtarë të KSHZ
