Klinika Universitare për sëmundjet e fëmijëve në Shkup pohon se fëmija tremuajshe, e shtruar në klinikën e tyre nga Dojrana, dyshohet se ka virusin Zika, njoftuan të premten mediat maqedonase.
Drejtorja e kësaj klinike Aspasia Sofia tha se fëmija me anomali të kafkës dhe një kokë të vogël, e cila është sjellë para dy javësh e gjysmë, pas një analizë që i është bërë ka treguar se nuk është prekur nga një virus rutinë që shkakton mikrocefalinë (kokë të vogël), por nga virusi, e cila do të thotë mbetje të dyshuar të Zikas.
Ajo tha se puna me analizat për të përcaktuar praninë e virusit tropikal do vazhdojë dhe ka shtuar se rezultati pritet në rreth dhjetë ditë.
“Fëmija është lindur me anomali. Frika është e pranishme në nënat shtatzëna, pasi virusi shkakton anomali në zhvillimin, sidomos në tre muajt e parë për zhvillimin e trurit dhe organeve të tjera”, tha drejtori i Klinikës Universitare për sëmundje të fëmijëve.
Sofia tha se nëna e fëmijës nga Dojrana udhëtoi për në Greqi në tre muajt e parë të shtatzënisë, kur është edhe periudha e zhvillimit të trurit dhe organeve të tjera. Në pyetjen nëse nëna është pickuar nga një mushkonjë, pacientja ishte përgjigjur pozitivisht.
