Dy ministra, njëri i Lëvizjes Socialiste për Integrim dhe një e Partisë Socialiste kanë replikuar në distancë sa i takon luftës kundër kanabisit. Një ditë më parë, ishte Ministri i Drejtësisë Ylli Manjani ai që propozoi masën drastike për të nxjerrë ushtrinë në aksionet kundër kultivimit të kanabisit. Por, një ditë më pas, ministrja e Mbrojtjes Kodheli, tha se duhet të jemi më seriozë.
“Siguria është një çështje serioze dhe Forcat e Armatosura po ashtu. Kur flasim për gjëra serioze, duhet të jemi seriozë. Në demokraci secili bën punën e tij”.
Këto deklarata ministrja Kodheli i ka bërë gjatë një aktiviteti të organizuar me rastin e Ditës së Nënë Terezës, ku u mbollën 5 mijë pemë./a.m.
