Ministri i Drejtësisë, Ylli Manjani deklaroi se Shqipëria po shkon drejt një sistemi të burgjeve të hapura.
Gjatë marrëveshjes së binjakëzimit me Britaninë e Madhe, numri një i Drejtësisë theksoi se qëllimi i krijimit të këtij sistemi është që i burgosuri mos të ndëshkohet por të integrohet.
“Projekti i burgjeve të hapura, do ndërtojmë një sistem menaxhimi bashkëkohor për ti dhënë mundësi të gjithëve. Ata që janë prapa hekurave nuk i kemi çuar në një kamp pushimi, por janë në një sistem të kufizimit të të drejtave. Synimi jonë është jo ndëshkimi, por trajtimi. Jo ndëshkimi, po integrimi. Për të arritur në një standard, drejt burgjeve të hapura, do ofrojmë kushte. Nuk kam parasysh këtu që të ftojmë njerëzit të vrasin, por detyra e shtetit është integrimi, për të miturit dhe gratë. Jo burg i detyruar, por shkollë me dhunë, pra arsim profesional”, tha Manjani.
