Ish-ministri i drejtësisë, Ylli Manjani ka sulmuar ish-shefin e tij, Presidentin Ilir Meta, pas deklaratës së këtij të fundit, për marrëveshjen e detit mes Shqipërisë dhe Greqisë
Meta deklaroi mbrëmë në VOA, se marrëveshja duhet të kalojë në Kuvend në momentin që të ngrihet Gjykata Kushtetuese.
Kreu i shteti tha se është dakord me Ramën, por duhet të pritet ngritja e institucionit.
Por Manjani e ka konsideruar si shtetësuese deklaratën e Metës, duke i treguar se nuk ka pse të presë
“Është shqetësuese deklarata e Presidentit të Republikës që:”marrëveshja e detit me Greqinë të kalojë pas krijimit të Gjykatës Kushtetuese”…
Presidenti si kryetar i shtetit, nuk ka pse të presë Gjykatën Kushtetuese për të denoncuar një proçes fallco negociatash, totalisht të diktuar nga qeveria Greke!
Ai proces diktati, i pranuar paturpësisht nga Qeveria jonë, ka prodhuar një draft marrëveshje dhe një hartë skandaloze që është shkëmbim i pastër territori.”, shkruan Manjani
Manjani i tregon presidentit se çfarë duhet të bëjë.
“Presidenti, si përfaqësues i unitetit të popullit, duhet thjesht ta denoncojë këtë farsë dhe produktin e saj anti kombëtar.
Në vijim Ai duhet të na sigurojë se nuk do të autorizojë nënshkrimin e asaj marrëveshje, pavarësisht ka apo jo Gjykatë Kushtetuese!
Autorizimi (Plotfuqishmëria) është detyrë kushtetuese e Tij, jo e Gjykatës.
Ndaj ska pse të fshihet pas argumentit (jo të pa drejtë) që ska gjykatë, por të garantojë popullin Shqiptar që sdo lejojë shkëmbim territori me Greqinë!
Kaq i kërkohet të bëjë!”, shkruan Manjani
a.ç
