Ministri i Drejtësisë Ylli Manjani ka dalë sërish në një takim krah prokurorëve ku ai ka përsëritur se ata duhet të jenë pjesë e reformimit të sistemit.
Manjani ka theksuar edhe njëherë mbështetjen e tij ndaj prokurorëve të ndershëm që respektojnë ligjin, duke deklaruar se “ata duhet të jenë pjesë e reformimit të institucionit të tyre”.
“Pikëpamja ime mbetet e panegociueshme, që çatinë e shtëpisë do ta rregullojë vetëm banori i shtëpisë. Ai e di ku pikon, jo se ne nuk ju ndihmojmë por ëhstë shumë e rëndësishme që të komunikojmë bashkë. Është shumë e rëndësishme që të marrim hapat dhe veprimet e duhura në kohën e duhur. Por ndërkohë, juve prokurorë jeni në detyrë, përditë firmosni urdhërarreste, jeni përditë në përballje me elementë kriminalë.
Nuk kam ndërmend të hyj në retorikë me asnjë prej jush sa kohë kryeni detyrën. Përkundrazi shpreh të gjithë mbështetjen e duhur për prokurorët e këij vendi që kryejnë detyrën”, tha Manjani.
Manjani i ka bërë thirrje prokurorëve të tregohen të ashpër në luftën ndaj krimit, me theks tek goditja e korrupsionit në nivelet më të larta.
“Jepini përgjigje proporiconale krimit, si në zyrën e shtetit ashtu edhe në rrugë. Ne presim nga ju, edhe nëse ka pasur kritikë për ju, kjo ëhstë kritika. Krimi në rrugë dhe krimi në zyrën e shtetit duhet të ndëshkohet. Po bëri këtë besoj se e ka zgjidhur mosbesimin që ekziston sot”, tha Manjani.
