Lëvizja Socialiste për Integrim ka zhvilluar një analizë pune më strukturat e kësaj force politike në qarkun e Dibrës.
I pyetur mbi përçarjen e koalicionit në Dibër e më gjerë, Sekretari Organizativ i LSI, Ylli Manjani tha “Marrëdhëniet PS-LSI në koalicion janë dy parti që qeverisin Shqipërinë.
Marrëdhënie normale pune që funksionojnë normalisht që ngjallin dhe debat na vjen mirë që debatohet për ne.
Përçarje është një fjalë shumë e madhe shumë e rëndë që nuk ekziston në këtë realitet politik.
Këto janë situatë mediatike që nuk i shkojnë aspak përshtat realitetit politik ku jetojmë”, tha Manjani.
Përsa i përket situatës së krijuar me CEZ, sipas Manjanit është një situatë e stisur nga Partia Demokratike, BW.
