Ministri i Drejtësisë, Ylli Manjani, ka drejtuar gishtin pa hezitim në drejtim të gjykatave, duke i fajësuar ato për problematikën e tjetërsimit të pronave në vend. Ai i ka kritikuar ashpër gjykatat, të cilat, sipas tij kanë luajtur një rol kyç në tjetërsimin e pronave. Sipas tij, “disa gjykata janë përgjegjëse për grabitjen e pronave publike, sidomos ato në bregdet”.
Në këtë kuptim, Ministri I Drejtësis nuk ka ngurruar të lëshojë akuza të ashpra edhe për Gjykatën e Vlorës, e cila sipas tij, “po shkon në drejtim të paditur me vendimet e saj”. “Edhe Gjykata Administrative po bëhet si qeveri paralele me vendimet e veta”, ka vlerësuar Manjani. Ministri ka shtuar më tej se situata në sistemin e drejtësisë është e jashtëzakonshme.
