A është bërë kërkesa për arrestimin e Ballukut nën ndikime politike? Kjo ka qënë një nga çështjet që Ulsi Manja ka ngritur në mbledhjen e Grupit të PS ditën e sotme.
Sipas tij, Këshilli i Mandateve konstaton një fakt publik: Kallëzimi i parë është bërë nga Lulzim Basha ndërsa i dyti në shtator 2024 nga Gazment Bardhi.
“Në vitin 2025 këto dy procedime penale janë bashkuar në një të vetëm dhe që sot mban një numër unik procedimi mbi bazën e të cilit po zhvillohen hetime ndaj deputetes Belinda Balluku. Në kohën kur u bë kallëzimi për shkelje të barazisë në tender, që nuk është një vepër korruptive, koncidon me një periudhë parazgjedhore. Dhe fill pas zgjedhjeve 2025 kemi një ashpërsim të gjuhës së politikës, që ka ecur paralelisht me procesin e SPAK” – tha Ulsi Manja.
