Kuvendi miratoi sot projektvendimin për dërgimin në Gjykatë Kushtetuese të mandateve të deputetëve të PS–së, Valentina Leskaj dhe Rakip Suli, të akuzuar nga opozita se kanë perfituar fonde publike në kushtet e konfliktit të interesit.
Me 87 vota pro, 9 kundër dhe 4 abstenime, Kuvendi miratoi pr/vendimin për mandatin e deputetes Leskaj, ndërsa me 81 vota pro, 1 kundër dhe 9 abstenime u miratua dërgimi në Kushtetuese i mandatit të deputetit Suli.
Seanca e sotme rrëzoi me 74 vota kundër, dhe 37 vota pro dekretin e Presidenti që ktheu për rishqyrtim në Kuvend ligjin “Për mediat”, duke e lene ate ne fuqi.
Maxhoranca rrëzoi gjithashtu amendimet e opozitës në ligjin per funksionimin e komisioneve hetimore dhe ato në ligjin e dekriminalizimit.
Kuvendi miratoi sot dhe disa pr/ligje te tjera të parashikuara në rendin e dites. Me 77 vota u miratuan ndryshimet në ligjin “Për sigurimin e depozitave”; me 75 vota pro dhe 1 vote kundër u miratua p/ligji “Për urdhrin e psikologut”; po me 75 vota u miratua dhe aderimi i Shqipërisë në marrëveshjen për ngritjen e Qendrës së Ekselencës në Financë, ndërsa ratifikimi i marrëveshjes me Rumaninë ‘për mbrojtjen shoqërore” kaloi me 74 vota.
Projektrezoluta për veprimtarinë e Autoritetit të Mediave Audiovizive për vitin 2015 u miratua me 75 vota, ndersa pr/vendimi që zgjat mandatin e punës së komisionit hetimor për ligjshmërinë e emërimeve në administrate kaloi me 101 vota pro, 3 vota kunder dhe 2 abstenime.
