Manchester Unitedi është duke e përgatitur një ofertë 102 milionë euro për qendërmbrojtësin Kalidou Koulibaly, raportojnë mediat britanike. Para pak ditësh, 27-vjeçari deklaroi se do t’i qëndrojë besnik Napolit. Përfaqësuesi i Senegalit u pyet rreth interesimit të shfaqur nga klubet e mëdha për të premten mbrëma. Ai tha se kjo e bën të lumtur, por nuk e shpërqendron nga Napoli.
“Jam i lumtur ta dëgjojë këtë, pro unë jam i përqendruar vetëm në Napolit dhe të dëshmoj se çfarë mund të bëj në fushë. Në Napoli gjej shumë motiv, sepse ne duam të dëshmojmë se jemi në nivelin më të lartë dhe unë dua të vazhdoj të përmirësohem”, tha ai. Përkundër këtyre komenteve, gazetat angleze vazhdojnë të raportojnë se Koulibaly dëshiron të kalojë në Premierligë.
Është raportuar se interesim për të kanë shprehur Chelsea, Arsenal dhe Manchester City, por Unitedi mbetet klubi më i interesuar për të, pasi është i gatshëm t’i ofrojë 102 milionë euro për të. Por, Koulibaly nënshkroi kontratë me Napolin shtatorin e kaluar, e cila i skadon më 2023. (lexo.al)
