Ministrja e Shëndetësisë, Ogerta Manastirliu ka deklaruar se fluksi për vonimin e tamponit ka kaluar, duke mohuar denoncimet se përgjigjia për një tampon vonon deri në 7-8 ditë. Manastirliu tha se Shqipëria po arrin standartin e artë, ‘gold’, për të arritur që përgjigjia të dalë në 24 orë.
“Jo vetëm që kemi shumëfishuar testimet me PCR por kemi vendosur në operacion edhe laboratorin e QSUT, që vijon të kryejë ekzaminime për COVID1 dhe 2, por gjithashtu po ndërtojmë edhe një laborator back-up. Një sistem më shumë për ti ardhur në ndihmë kapaciteteve të ISHP, dhe atyre që Komiteti i Ekspertëve e quan ‘gold’, për 24 orë përgjigjia. Dhe ne, e kemi e kemi patur dhe do e kemi këtë standart pavarësisht fluksit në ato momente dhe që jemi duke e rikuperuar.”-,tha Manastirliu.
Ministrja gjithashtu iu përgjigj pyetjes se a ka informacion ministria për biznesin e kthyer tashmë të dhënies me qira të aparatit të oksigjenit.
Manastirliu tha se qytetarët duhet të konsultohen në çdo rast me mjekun e familjes. “Qytetarët të mos bien pre. Oksigjeni s’është terapi që bëhet në shtëpi pa asistencë mjekësore, ndaj të drejtohen tek mjeku i familjes, është i vetmi që ka udhëzuesin e trajtimit për COVID dhe nëse situata rëndohet hyn në veprim urgjenca kombëtare që vlerëson situatën dhe ekipi i urgjencës, mëson mjekun se çfarë duhet të bëjë pacienti në banesë apo duhet të transferohet në spital. Edhe njëherë qytetari të kuptojë kontaktin me mjekun e familjes. Po bëjmë inspektime tek kompanitë dhe monitorimin e këtyre rasteve. “-tha ajo.
g.kosovari
